Tuesday, April 12, 2011

Арвидахын бэлгэт аян

МҮНС-ийн Эрдэм шинжилгээний уншлагын танхимд эхэлсэн “Номын хандив” аянд хэвлэлийн газрууд, уран бүтээлчид, хувь хүмүүс  оролцож 5500 орчим ном, хэвлэмэл бүтээлийн хандив өргөж, монгол түмнийг соён гэгээрүүлэх их үйлст үнэтэй хувь нэмэр оруулсанд бид бүхэн туйлын их баяртай байна.  
Зохиолч Д.Оюунчимэг, Д.Батжаргал нар нээлтээс урьтаж уран бүтээлийнхээ дээжээс хандивлан,  аяны дөрөөг мялаасан нь ихэд бэлгэшээлтэй хэрэг байв.
 Аяны ерөнхий ивээн тэтгэгч “Мөнхийн үсэг” группын “Болор судар” хэвлэлийн газар 2000, “Соёмбо принтинг” 1084, МЗЭ 555, МҮОНРТ-ын уран бүтээлчид 500, “Сэлэнгэ пресс” 290,  “Сод пресс” 271 ном тус тус хандивлаж аяныг тэргүүлэв.
Мөн  “Аз хур”, “Непко паблишинг”, “Эмпати ертөнц”, “Бит пресс”, “Жеком пресс” зэрэг хэвлэлийн газрууд, “Глоб интернэшнл”,  “Малчдын сан” тэргүүтэй төрийн бус байгууллага, уран бүтээлчид, хувь хүмүүс энэ аянг дэмжиж ном, гарын авлага, бусад хэвлэмэл бүтээл хандивласан юм.
Аяны нээлтэд АУЗ Т.Галсан, Ш.Сүрэнжав, Дэлхийн Урлаг соёлын академийн утга зохиолын доктор, яруу найрагч Д.Урианхай, Болор цомын эзэн найрагч Ц.Бавуудорж, Г.Мөнхцэцэг,  Нацагдоржийн шагналт зохиолч Дан.Нямаа, Б.Баярсайхан, болон залуу уран бүтээлчид оролцож, санал сэтгэгдлээ хуваалцан, зохиол бүтээлээ дээжлэв.  АУЗ Т.Галсан өөрийн болоод үзэг нэгт нөхдийнхөө 5 бум, 5 түм, 5 мянга, 555 төгрөгний ном хандивлаж буйгаа дуулгав. Нээлтэд ирж амжаагүй ч ном хандивлахаа уламжилсан байгууллага, уран бүтээлчдийн цуваа тасрахгүй байна. “Ардын элч” явуулын номын сангийн байнгын хандивлагчаар Мөнхийн үсэг групп, АНУ-ын Азийн сан, Малчдын сан ажиллахаа мэдэгдээд байна.

Номын цагаан буян ашид дэлгэрэх болтугай!

3 comments:

Anonymous said...

Yaj nom handivlakh ve?

Anonymous said...

Khayagaa uguuch.

Ардын Элч said...

Undesnii nomiin sangiin /Huuchnaar Ulsiin Tuv nomiin san/ bairand ireed ugch bolno. Esvel 98117398, 99141102, 70112397 utsaar holbogdoj bolno.